Тілдер апталығы – ғұмырлы сөздер мен даналық ойлар куәсі
Тілдер апталығы – ғұмырлы сөздер менданалық ойлар куәсі
Бабалар сөзі ─ даналар көзі
Әр адам өзінің тілін шыр етіп дүние есігін ашқаннан бастап құлағына сіңіріп өседі. Себебі ана тілін біліп өскен баланың бойында туған жерге, елге деген патриоттық сезім қалыптасады. Олар еліне, ұлтына деген құрметті сезініп өседі. Ал, олай өскен баланың бойында адами құндылықтар жоғары болады. Сондай құнды дүниенің бірі -кешегі елім, жерім деп өткен аталарымыздың артына қалдырған мазмұнды ойлары мен тәрбиелі сөздері.
Дарынды балаларға арналған үш тілде оқытатын Мұхтар Арын атындағы №24 «Экономика және бизнес» арнаулы лицейінде 05-14 қыркүйек аралығында бүгінгі тұтас буынның төл басы, кешегі Абай, Ыбырай, Шоқан ұлыларымыз салған ағартушылық, демократтық бағытты ілгері жалғастырушы ірі ғалым, тілші, әдебиет зерттеушісі, түріктанушы, дарынды ақын, аудармашы, педагог, қоғам қайраткері Ахмет Байтұрсыновтың 146 жыл толуына және ардақты ғалым, педагог, қоғам қайраткері лицейіміз есімімен аталатын Мұхтар Арынның шығармашылығына арналған тілдер онкүндігі өтті.
Іс-шаралар өткізу барысында қазақ, орыс және ағылшын тілдерінде ақын Ахметтің, ғалым Арынның даналық ойларын, мысалдарын, өлеңдерін және қанатты сөздерін дәріптеуге бағытталған кештер ұйымдастырылды.
Онкүндіктің алғашқы күнін үлкен өнердің бірі мәнерлеп оқуға арналды. «Мен сүйемін Ахмет өлеңдерін» атты тақырыпта 5- сынып оқушылары арасында мәнерлеп оқудан сайыс өткізіліп, жеңімпаздар анықталды.
Олар:Серік Нурали 1-орын, Өмірсерік Айзере 2-орын, Елбаева Жұлдыз3-орын.
Онкүндіктің әр күніндемазмұнды кештер мен қызықты жарыстар кезектесіп өтіп жатты. Соның бірі - 6-7-сыныптар арасында қазақ тілі мен әдебиеті пәнінің мұғалімі Оралбаева Динараның ұйымдастырумен өткен «Мысалмен айтқан көп ойлар» атты тақырыпта А. Байтұрсыновтың мысалдарынан сахналық көрініс. Онда ең үздік деп танылған сахналық көрініске және ат салысқан оқушыларға орындар белгіленді.
Ахмет Байтұрсынов пен Мұхтар Арынның даналық ойларына арналған әдеби-танымдық кешті қазақ тілі мен әдебиеті пәнінің мұғалімі Аяпова Туғанай Өзбекбайқызы 9-10-сыныптар арасында ұйымдастырды. Кеш барысында ақын мен ұлағатты ұстаздың даналық ойлары мен терең мағыналы сөздері жайында сыр шертілді.
Тіл білімінің атасы А.Байтұрсынов пен қоғам қайраткері М.Арынның тіл туралы айтқан тағылымдық ойларына «Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек», - деп Елбасымыз айтқандай, Ахмет тағылымы мен Мұхтар Арын тағлымына 8-сынып оқушыларымен ұйымдастырған кеште Нұрғожаева Бақыт Дәулетқызы көз жібертті.
Түйіндей келе, жер бетінде қазақ деген ұлт барда ғасырда бір туатын бұл тұлғалардың есімдері де, жүрегінен жыр болып төгілген сөздері де ешқашан өлмек емес. Онкүндіктің соңы оқушылар концерт қойып, марапаттау болды
Қазақ тілі мен әдебиеті пәнінің мұғалімі
Нұрлыжігіт Айдана Еркінқызы