Халықаралық азаматтық қорғаныс күні

«Дарынды балаларға арналған үш тілде оқытатын Мұхтар Арын атындағы №24 «Экономика және бизнес» арнаулы лицейінде 2018 ж. 1-наурыз күні Халықаралық азаматтық қорғаныс күніне арналған жиынның салтанатты ашылуы өтті.

Қала әкімінің №89-89/118 2018 жылдың 17 қаңтарындағы ұйымдастыру нұсқауына сәйкес Халықаралық Азаматтық қорғаныс күнінің бұйрығы шығарылып, жоспары жасалып, келесідей іс-шаралар ұйымдастырылып, өткізілді.

Мақсатымыз: Төтенше жағдайда оқушылардың қауіпсіздігін сақтау және қазіргі заманғы жаппай жою құралдарынан, зіл-зала және стихиялық апаттар зардаптарын жою кезіндегі тиімді, әрі дұрыс іс-әрекеттер жасай білуді үйрету болып табылады.

01.03.2018ж Халықаралық азаматтық қорғаныс күніне арналған жиынның салтанатты ашылуы өтіп, онда шағын азаматтық қорғаныс құрама топтары шерумен өтіп, сапқа тұрғызылып, оқушыларға олардың мақсаты және міндеттері жеткізілді.

28.02-04.03.2018ж 5-11 сыныптарда «Су тасқыны кезіндегі азаматтардың іс-әрекеті», «ТЖ кезінде өзіңді және басқаларды қалай қорғау керек?», «КӘУЗмен улану», «Жер сілкінісі кезіндегі іс-әрекет», тақырыбында тәрбие сағаттары өткізілді.

01.03.2018ж мектепішілік сейсможаттығу өткізіліп, онда оқушыларға ТЖ кезіндегі алғашқы медициналық көмек туралы көрініс ұсынылды. 28.02.2018ж А.Кеңесбаеваның ұйымдастыруымен қабырға газеттері шығарылып, төтенше жағдай туралы көрме оқушыларға көрсетілді. 02.03.2018ж 7 және 8 сыныптар арасында «Сіз не істейсіз?» тақырыбымен викториналық сайыс өткізілді, онда қатысушылар ТЖ саласындағы білімдерін көрсетті.

03.03.2018ж мектепішілік спорттық сайыстар өтті, жарыс барысында оқушылар ғазқағар және жалпы әскери қорғаныс құралын киюден, жараланған адамды тасымалдаудан дайындық деңгейлерін көрсетті. Жарыс соңында үздік көрсеткішке жеткен командалар мақтау қағаздарымен марапатталды.