Желілік қауымдастық

Желілік қауымдастық — педагогтардың кәсіби біліктілігін арттыру құралы 2022-2023 оқу жылынан бастап мұғалімдердің зерттеушілік дағдыларын, мектептің зерттеу мәдениетін дамыту, кәсіби тәжірибе алмасу мақсатында зерттеуді лицейішілік қана емес, желілік қауымдастық құру арқылы жүзеге асыруды бастадық. Желілік қауымдастыққа Мұхтар Арын атындағы №24 мамандандырылған лицейі, Ақсу ауданы Қ.Сәтпаев атындағы орта мектеп-гимназиясы, Көксу ауданы, Н.Алдабергенов атындағы орта мектебінің қазақ тілі және математика пәні мұғалімдері қамтылды. Бірге қажеттіліктер анықталды, ортақ зерттеу сұрақтары құрылды, екі зерттеу топтарының жылдық жоспары жасалды. 13 қазан күні бірлескен жоспар арқылы қазақ тілі пәнінен 7 «А» сынып оқушыларымен «Көшпелілердің жазуы. Фраезологизм» тақырыбында пән мұғалімі Қалдыбаева Ж.М, математика пәнінен 6 «А» сыныбында «Теріс сандарды қосу» тақырыбында пән мұғалімі Минали Ерзат зерттеу сабағының 1 айналымын өткізді. Желілік қауымдастық аясында өткізілген сабақтардан кейін Талдықорған қаласы ПШО тренері Темиргалиева Ұлжан Бауыржанқызының қолдауымен, зерттеу сұрағына сындарлы талдау мен қорытынды жасалды. Талдаудан соң келесі айналымға ұсыныстар мен толықтырулар айтылды.