Сәт сапар, сіздерге, Жас түлектер!

Дарынды балаларға арналған үш тілде оқытатын Мұхтар Арын атындағы №24 «Экономика және бизнес» арнаулы лицейінде мектеп бітіруші түлектеріне арналған «ТҮЛЕК 2022 – Жаңа Қазақстанның ертеңі» атты мектеп бітіру іс-шарасы ұйымдастырылды. Салтанатты іс-шарамызға Алматы облысының құрметті азаматы – Мұқанов Серік Мейрханұлы және құрметті ата-анамыз Қожахметов Берік Әкішханұлы қатысты. 

     Түлектердің мектеп бітіру жылы – Президентіміз Қасым-Жомарт Тоқаев жариялаған «Балалар жылымен» және  Қазақстан Республикасының мемлекеттік рәміздерінің 30 жылдығымен тұспа-тұс келуінің өзі ерекше сәт.

      Ұлағатты ұстаздардан тәлім мен тәрбие алып, қанатын қатайтып, өмірге жолдама алған лицейіміздің  шәкірттері кәмелеттік аттестаттарын қолына алып, үлкен өмір жолына қанат қақты.  Лицей түлектері - бәсекеге қабілетті, дарынды, талантты нағыз көшбасшылар. Жиын барысында лицей  директоры Галиева Мария Бейсетбайқызы түлектерді құттықтап，болашақтары жарқын, алдағы өмірлеріне ақ жол, сәттілік тіледі.