25
май
2022
2022 жыл- Балалар жылы
Биыл "2022 жыл- Балалар жылы" мен оқу жылының аяқталуына орай 2022 жылдың 25 мамыр күні Алматы облысының әкімі Қанат Алдабергенұлы Бозымбаев халықаралық, республикалық олимпиада жүлдегерлерімен кездесу өткізді.
"Бүгінгі дарынды оқушылар - ұлт болашағы"- демекші дарынды жеңімпаздардың қатарында лицейіміздің 8 оқушысы ең үздік алдыңғы қатардан көрінді.
Жеке тұлғаның интеллект қабілетін жетілдіру негізінде облыс әкімі Қанат Алдабергенұлының қолынан қаржы сертификаттары табысталды. Өңіріміздің жас дарындары өз кезегінде болашаққа қойған мақсаттарымен бөлісті.
Облыс әкімі Республикадағы «100 үздік мектеп» тізіміне енген білім беру мекемелерін - Дарынды балаларға арналған үш тілде оқытатын Мұхтар Арын атындағы №24 «Экономика және бизнес» арнаулы лицейі, Талдықорған дарынды балаларға арналған «БІЛІМ-ИННОВАЦИЯ» мамандандырылған лицей-интернаты, А. Мәлкеев атындағы Есік мамандандырылған дарынды балаларға арналған «БІЛІМ-ИННОВАЦИЯ» лицей-интернатын атап, қаржылай сертификаттармен марапаттады.