Мамандандырылған білім беру ұйымдарына оқуға қабылдау туралы АҚПАРАТ
Мамандандырылған білім беру ұйымдарына
оқуға қабылдау туралы
АҚПАРАТ
1. Мамандандырылған білім беру ұйымдарына 5 сыныпқа оқуға қабылдау конкурс негізінде жүзеге асырылады.
2.Конкурстық іріктеуге қатысу үшін қабылдау комиссиясына келесі құжаттар ұсынылады:
1) ата-анасының (заңды өкілінің) өтініші;
2) үміткердің ЖСН көрсетілген (қоса берілген) туу туралы куәлігінің көшірмесі;
3) тиісті білім беру ұйымдарының мөрімен бекітілген оқудағы жетістіктерін растайтын құжаттардың көшірмелері;
4) 3х4 көлеміндегі екі фотосурет.
3.Бекітілген мерзімнен кеш ұсынылған өтініш конкурсқа қатыстырылмайды.
4.Құжаттарды қабылдау ағымдағы жылдың 10 сәуірінен 10 мамырына дейін жүзеге асырылады.
5.Құжаттарды қабылдау туралы ақпарат мамандандырылған білім беру ұйымдарының интернет-ресурсында орналастырылады.
6.Білім алушыларды мамандандырылған білім беру ұйымдарында оқуға қабылдаудың ашықтығын қамтамасыз ету үшін, қажет болған жағдайда ғимаратқа, аудиторияға және конкурстық іріктеу өтетін орындарға кіргізу кезінде пайдаланылатын бейнебақылау және дыбыстық жазба жүйелері орнатылады.
7.Конкурстық іріктеудің қорытындылары конкурстық іріктеу өткеннен кейін 2 күннен кешіктірмей мамандандырылған білім беру ұйымының интернет-ресурсында орналастырылады.
Лицей әкімшілігі