Халықаралық “IMT class” жобасының жемісі

Халықаралық "IMT class” жобасының жемісі

         Бүгін, 29 наурыз күні №24 лицей оқушылары сағат 9:00-11:00 уақыт аралығында онлайн режимде Халықаралық "IMT class” жобасы тапсырмасын қорғап шықты. Жоба мақсаты – шәкірттеріміздің 4 апта бойы жинақтаған теориялық білімдерін тәжірибеде көрсету. 25 оқушыдан тұратын жоба мүшелері 5 командаға бөлініп, әр топ «Туристік агенттік» ретінде 15 минуттық таныстырылым жасады. Таныстырылымның талаптарына сәйкес шәкірттеріміз ағылшын тілінде «агенттіктің» жұмысын көрсетті.

        Таныстырылымды басынан аяғына дейін онлайн режимде бақылап отырған Швейцариялық жоба координаторының жоба соңындағы айтқан пікірі біз үшін де, оқушыларымыз үшін де аса маңызды болды. Халықаралық жобаның жетекшілері тарапынан шәкірттеріміздің терең тілдік білімі мен шығармашылығы туралы оң пікір есту біз үшін үлкен мақтаныш. Шығармашылығы мен тілдік білімін шебер ұштастыра білген оқушыларымыздың бүгінгі жеңісін мақтан етеміз!!!